xebermen.az

Qarabağ ermənilərinin yeni pasportlarında doğum yerinin Azərbaycan göstərilməsinə aydınlıq gətirilib

8-04-2025, 20:27

 

Ermənistan Daxili İşlər Nazirliyi Qarabağ ermənilərinin pasportlarında doğum yeri kimi Azərbaycan Respublikasının yazılması ilə bağlı məqama aydınlıq gətirib.

Ermənistan Daxili İşlər Nazirliyinin mətbuat xidmətindən verilən məlumata görə, sənədlərdəki məlumatlar Beynəlxalq Mülki Aviasiya Təşkilatının (İCAO) standartlarına uyğun göstərilib.

Üstəlik, sənədlərdə coğrafi vahidlər təşkilat tərəfindən məqbul sayılan qaydada qeyd olunub.

Məlumatda, həmçinin qeyd olunub ki, Ermənistan Respublikası Daxili İşlər Nazirliyinin Miqrasiya və Vətəndaşlıq Xidməti tərəfindən beynəlxalq qaydalar çərçivəsində təsdiq olunmayan hər hansı qeyd sərhəd-keçid məntəqələrində problemlər yarada bilər.

"Yeni sənədlərin verilməsi zamanı xidmət yalnız beynəlxalq standartı rəhbər tutur", - deyə Ermənistan Daxili İşlər Nazirliyinin açıqlamasında vurğulanıb.

Xatırladaq ki, bir müddət əvvəl sosial şəbəkələrdə Azərbaycan Respublikasının Qarabağ bölgəsini könüllü tərk etmiş ermənilərin yeni pasportlarında doğulduğu yer kimi Azərbaycan Respublikası yazılması məsələsi müzakirələrə səbəb olub.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
«    Aprel 2025    »
BeÇaÇCaCŞB
 123456
78910111213
14151617181920
21222324252627
282930