Rusiya sərhədçilərinin Ermənistan-Türkiyə sərhədindən çıxarılması məsələsi hələ də Ermənistan hakimiyyətinin gündəmindədir.

Bu barədə “Hraparak” nəşri mənbələrinə istinadən yazıb.

Bildirilir ki, hakimiyyətin məqsədi Ukrayna münaqişəsi ilə bağlı Rusiya-Amerika danışıqları bitməmiş məsələni həll etməkdir. “Bizə dedilər ki, Marqara və Ani Pəmzə ərazilərində Rusiya sərhədçilərinin tərkibində xidmət edən erməni sərhədçiləri artıq yeni iş yerləri axtarırlar. Xatırladaq ki, hakimiyyət əvvəlcə “Zvartnots”da Rusiya sərhədçilərinin xidmətindən imtina etmiş, sonra Ermənistan-İran sərhədində onun tamamilə erməni sərhədçiləri vasitəsilə həyata keçirilməsi perspektivi ilə birgə nəzarət yaradılmışdı və indi faktiki olaraq proses Ermənistan-Türkiyə sərhədinə çatıb”, - məlumatda deyilir.

Birgə imzalanmış sazişin yerinə yetirilməsi üçün Amerikanın sərhəd nəzarəti qrupu imkanlarını inkişaf etdirmək üçün artıq fevral ayında Ermənistana gələcək. Bu o deməkdir ki, Ermənistan-Türkiyə və Ermənistan-İran sərhədində gömrük və sərhəd nəzarəti amerikalı mütəxəssislər tərəfindən idarə olunacaq.

“Qonşu İranın buna necə reaksiya verəcəyini avropalı müşahidəçilərin fəaliyyətinə verilən qiymətlərdən müəyyən etmək olar. Tehran hesab edir ki, Ermənistan İrana qarşı kəşfiyyat məlumatları toplamaq üçün öz ərazisini Qərbə verir”, - məlumatda vurğulanır.