İsrail Aerokosmik Sənayesi (İAİ) şirkəti süni intellekt alqoritmlərinə əsaslanan yeni inteqrasiya olunmuş sərhəd mühafizəsi sisteminin bir sıra sınaqlarını uğurla başa çatdırıb. Sistem bütün növ sərhədlərdə - quruda, dənizdə və havada reaksiya müddətlərini əhəmiyyətli dərəcədə azaltmaq qabiliyyətini sübut edib.

Sistem xüsusi olaraq İsrail təhlükəsizlik qüvvələrinin ehtiyacları üçün yaradılsa da, beynəlxalq müştərilər üçün də uyğun universal bir həll kimi təqdim edilir.

Yeni sərhəd qoruyucusu müxtəlif sensorlardan, pilotsuz platformalardan və məlumatları real vaxt rejimində emal edən vahid mərkəzləşdirilmiş idarəetmə sistemindən ibarətdir. Bu məlumatlar sərhəd ərazilərində yerləşdirilən silahlar da daxil olmaqla, kəşfiyyat və zərbə imkanlarını əlaqələndirmək üçün istifadə olunur. Yenilik operatorların uzunmüddətli müdaxiləsi olmadan sürətli qərar qəbul etməyə və güc tətbiq etməyə imkan verir.