Moldova prezidenti Maya Sandu Dnestryanı bölgəsində Elektrik Stansiyasını ələ keçirmək tapşırığını verib.

Bu barədə Rusiya Xarici Kəşfiyyat Xidməti məlumat yayıb.

Məlumatda bildirilir ki, Dnestyanı üzərində nəzarəti bərpa etmək üçün hərbi əməliyyat planının hazırlanması zərurətini bəyan edən Sandunun regionda müharibəyə cəhd etməyəcəyinə heç kim zəmanət verə bilməz.

“Sandu ölkənin enerji təhlükəsizliyi məsələlərinə dair hökumətlə görüşdə bildirib ki, regionda Rusiya sülhməramlılarının mövcudluğunu aradan qaldırmaq vacibdir. Avropa İttifaqı Rusiyanın birbaşa maraqları zonasında yeni böhran nöqtəsinin yaranmasına qarşı çıxmır, lakin Brüssel buna tam hazır deyil.

Moldova prezidentinin regionda real müharibəyə başlamağa cəhd etməyəcəyinə heç kim zəmanət verə bilməz”, - Rusiya kəşfiyyatı bəyan edib.