Türkiyədə və dünyada baş verən hadisələrin proqnozu ilə gündəmə gələn “Kurtlar Vadisi”ndə Türk Sənaye və İş Dünyası Dərnəyinə (TÜSİAD) aid məsələ ön plana çıxıb.

Son zamanlar "Simpsonlar"ı geridə qoyan səhnələri ilə gündəmə gələn əfsanəvi “Kurtlar Vadisi” serialında baron bazası TÜSİAD mövzusunun müzakirə edildiyi məlum olub.

Polat Alemdarla bir araya gələn şəxs onların ölkə iqtisadiyyatında nə qədər güclü olmasından, manipulyasiya etmək qabiliyyətindən danışır.

Səhnədə bu ifadələr işlədilir: "Hüquq sahəsində hər kəsi öz xeyrimizə çevirəcək gücümüz var. Bunu bu məqalədə də görəcəksiniz. Dövlətin hər nöqtəsi ilə əlaqəmiz var. Ankara gecikir və ya bunu etməkdə çətinlik çəkir. Samuel dərhal işə başlayır, xüsusən də birja vasitəsilə elə manipulyasiyalar edir ki, iqtisadiyyatın belini qırmağa məcbur edir”.