“Bu gün morqda meyitlər var. Onların şəxsiyyəti müəyyən edildikdən sonra da, valideynlərin inanmadıqları üçün meyitləri götürməməsinin günahkarı kimdir?”

Bu barədə Ermənistan parlamentinin Müdafiə və Təhlükəsizlik Komissiyasının və 44 günlük müharibənin şərtlərini araşdıran İstintaq Komissiyasının sədri Andranik Köçəryan “NEWS.am”ın müxbiri ilə söhbətində bildirib.

“Düşünürəm ki, bizi çətin görüş gözləyir, lakin bu, qaçılmazdır. Görüş (itkin düşmüş və həlak olan hərbçilərin yaxınları ilə - red.) qapalı olacaq”, - deyə deputat qeyd edib.

O bildirib ki, bu qapalı iclasda yüksək vəzifəli şəxslərin - Ermənistan Milli Təhlükəsizlik Xidmətinin direktorundan, xarici işlər nazirindən tutmuş baş prokurora kimi iştirakını təmin etməyə çalışacaq.

Köçəryan görüşün fevral ayına qədər keçirilməli olduğunu açıqlayıb.