Qarabağdan gedən 5500-dən çox erməni Ermənistan vətəndaşlığını qəbul edib.

Bu barədə “Sputnik Ermənistan”a Ermənistan Respublikası Daxili İşlər Nazirliyinin Miqrasiya və Vətəndaşlıq Xidmətindən yazılı sorğuya cavab olaraq məlumat verilib.

Dekabrın 25-nə olan məlumata görə, Qarabağdan gedən 6724 nəfər Ermənistan vətəndaşlığı üçün müraciət edib.

Son bir ayda vətəndaşlıq alanların sayı təxminən 1100 nəfər artıb.

Eyni zamanda, yetkinlik yaşına çatmayanlar statistikaya daxil edilmir, çünki 18 yaşına çatmamış uşaqlar üçün vətəndaşlıq avtomatik olaraq valideynləri ilə birlikdə verilir. Bunun üçün heç bir əlavə prosedur tələb olunmur, pasport vermək kifayətdir.

Noyabrın 28-nə olan məlumata görə, 6338 nəfər Ermənistan vətəndaşlığı üçün müraciət edib, onlardan 4394-ü artıq ölkə vətəndaşı olub.