Yeni COVID-19 ştammı Stratus (XFG) sürətlə yayılır. Bu, Omikron variantının alt növüdür.

Ümumdünya Səhiyyə Təşkilatının (ÜST) məlumatına görə, Stratus xüsusilə Cənub-Şərqi Asiya ölkələrində aktiv şəkildə yayılır, yoluxma və hospitalizasiya hallarında artım müşahidə olunur.

Eyni zamanda, bu ştamm artıq bir sıra Avropa ölkələrində də qeydə alınıb.

Stratus haqqında nə məlumdur?

Stratus (XFG) Omikron ailəsinə aiddir və JN.1 xəttindən törəyib. Bu xətt, COVID-19-un ən son peyvənd versiyasının hədəf aldığı variantlardandır. Stratus, LF.7 və LP.8.1.2 adlı iki variantın birləşməsidir. Cəmi bir neçə həftə ərzində bu ştammın qlobal nümunələrdəki payı 7%-dən 23%-ə qədər yüksəlib.

Hindistanda bu variant yaz aylarında dominant hala gəlib. ABŞ-da isə hazırda xəstələrin 14%-ində XFG aşkar olunur. Hazırda ştamm Avropada da geniş yayılır və əsas variantlardan birinə çevrilib.

Ukraynada yeni Stratus ştammı artıq 7 bölgədə və Kiyevdə 38 nəfərdə təsdiqlənib. Ukrayna İctimai Səhiyyə Mərkəzinin (THZ) məlumatına görə, ştammın yayılmasına aşağı vaksinasiya səviyyəsi, miqrasiya və epidemiya əleyhinə qaydalara əməl olunmaması səbəb olur.

Ştammın xüsusiyyətləri

Stratus digər variantlara nisbətən daha yoluxucudur, lakin xəstəliyin daha ağır keçməsinə səbəb olmur. Bir çox hallarda simptomlar səslə bağlı dəyişikliklər (səslə tutulma, xırıltı) ilə özünü göstərir.