Toksik münasibətlər yaşlanmanı sürətləndirir.

Bu barədə İndiana Universitetinin tədqiqatçıları bildiriblər.

Alimlər minlərlə insanın DNT markerləri və sosial əlaqələrinin strukturunu təhlil ediblər. İştirakçılar sosial dairələrindəki ən vacib insanlarla münasibətlərini ətraflı təsvir ediblər.

Sorğuda iştirak edənlərin yarıdan çoxu qeyd edib ki, onların yaxın dairəsində müntəzəm olaraq narahatlıq yaradan və həyatlarını çətinləşdirən ən azı bir insan var.

Araşdırma göstərib ki, toksik əlaqəsi olan insanlar həqiqi doğum tarixinə nisbətən orta hesabla 2,5 ay daha yaşlıdırlar.

Tədqiqatın müəllifləri hesab edirlər ki, mənfi sosial əlaqələr stres reaksiyasını təhrik edir, bu da immun sisteminin işini poza və yaşla əlaqəli xəstəliklərin inkişafına səbəb ola bilər.

Ən böyük təhlükə "dost-düşmənlər" və ya "frenemilər"dən - yəni gah dəstəkləyən, gah da tənqid edən insanlardan gəlir. Bu cür "yelləncəklər" immun sisteminin işini pozur.