50 yaşdan sonra fiziki rifahı qorumaq üçün üzgüçülük, gəzinti ilə məşğul olmaq və psixikanı gücləndirmək lazımdır.

Bunu Harvard Universitetindən psixiatr Robert Valdinger "Vanitatis"ə müsahibəsində deyib.

Mütəxəssisin fikrincə, yetkinlik dövründə sağlamlığın qorunmasının əsas şərti fiziki fəaliyyətə önəm verilməklə həyat tərzinin dəyişdirilməsidir. Həkim üzgüçülük və ya yoqa, həmçinin təmiz havada müntəzəm gəzintilər etməyi məsləhət görür.

Həkim sosial əlaqələrə xüsusi diqqət yetirir - özünüzü açıq və dürüst dialoq qura biləcəyiniz insanlarla əhatə etmək vacibdir. Bundan əlavə, onun fikrincə, həyatda məqsəd tapmaq lazımdır - motivasiya, xüsusən də yetkin uşaqlardan ayrıldıqdan sonra tənhalıq hissinin yaranmasının qarşısını almağa kömək edəcəkdir.

Doktor Valdinqer qeyd edib ki, həyat məqsədi hobbi və ya könüllü layihələrdə iştirakla formalaşa bilər.

Psixoterapevt keçmiş üzərində dayanmamağı və həddindən artıq özünütənqidə yol verməməyi tövsiyə edib. O, uğursuzluqları həyatın təbii bir hissəsi kimi qəbul etməyin vacibliyini vurğulayıb.