Xəbər verdiyimiz kimi, Prezident İlham Əliyevin imzaladığı sərəncama əsasən Bəhruz Vidadi oğlu Əhmədov Azərbaycan Respublikasının Baş prokurorunun müavini - Hərbi prokuroru təyin edilib.

Bəhruz Əhmədov kimdir? Bəhruz Əhmədov 4 iyul 1984-cü ildə dünyaya gəlib.

Bakı Dövlət Universitetinin Hüquq fakültəsinin məzunudur. Əslən Neftçala rayonundandır.

Peşə fəaliyyətinə prokurorluq orqanlarında başlayan Əhmədov uzun illər hüquq-mühafizə və hərbi sahədə çalışaraq ciddi təcrübə qazanıb. O, Hərbi Prokurorluğun peşəkar və etibarlı kadrlarından biri kimi tanınır.

Karyerası ərzində müxtəlif məsul vəzifələrdə çalışan Bəhruz Əhmədov, bir müddət Qazax rayonunun Hərbi prokuroru və daha sonra Hərbi Prokurorluğun İstintaq İdarəsinin rəisi vəzifələrində fəaliyyət göstərib. Yeni təyinatı ilə Azərbaycanın hərbi ədalət sistemində mühüm rola sahib olacaq.