Azərbyacanın Ermənistana genişmiqyaslı hərbi hücumu ehtimalı yüksək deyil.

Bu barədə Ermənistan Xarici Kəşfiyyat Xidmətinin 2025-ci il üçün hazırladığı hesabatda qeyd olunur.

Lakin Ermənistan kəşfiyyatı iddia edir ki, sülh müqaviləsi imzalanmadığı üçün sərhəddə lokal gərginlik və eskalasiya riski davam edəcək: “Bu risklərin azaldılmasının yolu 2024-cü ildə başlayan delimitasiya və demarkasiya prosesinin davam etdirilməsidir”.

Hesabatda “Qərbi Azərbaycan, Qərbi azərbaycanlılar”, “Ermənistanın hərbiləşdirilməsi”, “revanşizm”, “Zəngəzur dəhlizi” ifadələrinin guya regional sabitliyə qarşı olduğu iddia edilir.

Bununla yanaşı, regional kommunikasiyanın blokdan çıxarılması perspektivində Zəngəzur dəhlizi layihəsinə yer olmadığı fikri irəli sürülür.

Bütün bu iddialar Ermənistanın sülhə qarşı olan mövqeyinin 2025-ci ildə də davam etdiriləcəyindən xəbər verir.