Alimlər Yerin dərinliklərində yerləşən ərimiş dəmir axınlarının hərəkətində indiyədək müşahidə olunmamış dəyişiklik qeydə alıblar.

Yeni tədqiqata görə ki, bu axınların istiqaməti bəzi bölgələrdə dəyişib və proses Yerin maqnit sahəsinin formalaşmasına təsir göstərə bilər.

Tədqiqat beynəlxalq geofiziklər qrupu tərəfindən peyk məlumatları və Yerin maqnit sahəsinə dair uzunmüddətli müşahidələrin təhlili əsasında aparılıb.

Alimlərin fikrincə, maye dəmirin hərəkətində baş verən dəyişikliklər təbii geoloji proseslərin bir hissəsidir və planetin daxilində enerjinin necə paylandığını daha yaxşı anlamağa kömək edir.

Mütəxəssislər bildirirlər ki, bu dəyişiklik insanların gündəlik həyatına və ya Yerin təhlükəsizliyinə birbaşa təhlükə yaratmır. Bununla belə, kəşf Yerin maqnit sahəsinin gələcəkdə necə dəyişə biləcəyini proqnozlaşdırmaq, həmçinin peyk rabitəsi, naviqasiya sistemləri və kosmik hava hadisələrinin təsirini daha dəqiq qiymətləndirmək baxımından mühüm əhəmiyyət daşıyır.

Tədqiqat müəllifləri hesab edirlər ki, Yerin nüvəsində baş verən proseslərin daha dərindən öyrənilməsi planetimizin daxili quruluşu və maqnit sahəsinin təkamülü ilə bağlı mövcud elmi modellərin təkmilləşdirilməsinə imkan verəcək.