2026-cı ildə dolların orta məzənnəsi 88–95 rubl olacaq.

Bu proqnozu “Rikom-Trast” investisiya şirkətinin idarəedici direktoru Dmitri Çelişçev verib.

“Bu aqressiv proqnoz deyil, daha çox struktur məhdudiyyətlərin və bazarın, onun iştirakçılarının mövcud davranış modelinin əksidir. Axınların balansı, büdcə dövrü və davam edən risk mükafatı elə bir koridor formalaşdırır ki, biz 88–95 rubl aralığını il üçün əsas göstərici kimi götürərdik. Əgər irəliyə baxsaq, məntiq eyni qalır: valyuta ehtiyatının toplanması 2026-cı ildə də davam edəcək, hətta rubl orta dərəcədə güclü olsa belə”, – deyə Çelişçev vurğulayıb.

Onun sözlərinə görə, güclü rubl rusiyalıların kapitalı qorumaq instinktini dəyişmir: əhali valyuta almağa davam edir, çünki mövcud məzənnənin fundamental sabitliyinə inanmır və gələcəkdə mümkün şokları – büdcə, sanksiya və geosiyasi riskləri nəzərə alır.

"Rubl alətlərində faizlərin azalması və qoruyucu aktivlərin məhdud seçimi fonunda xarici valyuta mümkün risklərdən sığortalanmaq üçün ən sadə, aydın və əlçatan vasitə olaraq qalır", - ekspert bildirib.

O əlavə edib ki, bu davranış sabit rublun qısamüddətli dinamikasından daha fundamental xarakter daşıyır.

Qeyd edək ki, hazırda Rusiyada dolların məzənnəsi 81,08 rubl təşkil edir.