Fransanın məşhur "France Football" jurnalı 2024/25 mövsümünün yekunlarına əsasən təqdim olunacaq "Qızıl top" mükafatı üçün namizədlərin adlarını açıqlayıb.

Mükafatın builki siyahısında aşağıdakı futbolçular yer alıb:

Usman Dembele, Canluici Donnarumma, Cud Bellinqem, Dezire Due, Denzel Dyumfris, Seru Girassi, Erlinq Haaland, Viktor Qyökereş, Əşrəf Hakimi, Harri Keyn, Xviça Kvaratsxeliya, Robert Levandovski, Aleksis Makallister, Lautaro Martines, Skott Maktominey, Kilian Mbappe, Nuno Mendeş, Joao Neveş, Pedri, Koul Palmer, Maykl Olise, Rafinya, Deklan Rays, Fabian Ruis, Vircil van Deyk, Vinisius Junior, Məhəmməd Salah, Florian Virts, Vitinya və Lamin Yamal.

Mükafatlandırma mərasimi sentyabrın 22-də Parisdə keçiriləcək.

Xatırladaq ki, 2024-cü ildə "Qızıl top"un qalibi "Mançester Siti"nin futbolçusu Rodri olub.