Avropa İttifaqı ölkələrinin istehsalçıları Rusiya qazının tədarükünün bərpasını gözləyirlər. Onlar Ukraynada münaqişənin sona çatacağına və yenidən ucuz enerji resursları əldə etmək imkanlarına ümid edirlər.

Bu barədə "Reuters" yazıb.

Nəşrdə qeyd edildiyi kimi, vəziyyət ABŞ-ın tətbiq etdiyi tariflərdən sonra xüsusilə kəskinləşib. Onlar nümayiş etdirdilər ki, Avropa qaz tədarükünü diversifikasiya etməlidir. Və belə bir şəraitdə Rusiyanın tədarükünün bərpası optimal həll yolu kimi görünür.

"Engie"-nin vitse-prezidenti Didye Ollonun da vurğuladığı kimi, arzu olunarsa, təqribən 60-70 milyard kubmetrin nəqlini müzakirə etmək olar. Lakin ilk növbədə Ukraynada sülhün bərqərar olması lazımdır. "TotalEnergies"-in baş direktoru Patrik Pouyanne əlavə edib ki, bütün şərtlər doğru olarsa, Aİ ABŞ-dan təchizatdan asılılıqdan qurtula biləcək.

Bir çox istehsalçının oxşar nöqteyi-nəzərdən olduğu vurğulanır. O cümlədən "Leuna-Harze"nin idarəedici direktoru Klaus Paur. O qeyd edib ki, Avropanın Rusiya qazına ehtiyacı var. Çünki ucuz enerjidir.

“Bizə “Şimal axını 2” lazımdır, çünki enerji xərclərini nəzarət altında saxlamalıyıq”, - o deyib.

Bundan əvvəl “Qazprom” Avropada qazla bağlı vəziyyətin daha da çətinləşə biləcəyini vurğulamışdı. Aİ çox güman ki, öz anbarlarını doldurmaqda və tam hazırlamaqda çətinlik çəkəcək. Üstəlik, bütün bunlar tədarükün kəskin azalması hesabına baş verəcək.