İslandiya alimləri müəyyən ediblər ki, sutka ərzində doqquz saatdan artıq yatan insanlarda insult riski 85% arta bilər.

Bununla bağlı tədqiqatın nəticələri "Neurology" jurnalında dərc olunub.

Tədqiqat "Nordic Health Research" adlı digər böyük bir layihənin məlumatlarına əsaslanıb və orta yaş həddi 62 olan, ciddi xəstəliyi olmayan 32 minə yaxın insanı əhatə edib.

Alimlər altı il ərzində tədqiqat iştirakçılarını izləyiblər və onların yuxu rejimi, xəstəlik tarixçələri barədə məlumat toplayıblar. Məlum olub ki, sutka ərzində doqquz saatdan çox yatanlarda (iştirakçıların 24%-i) və ya gündüz saatlarında 90 dəqiqədən çox istirahət edənlərdə (iştirakçıların 8%-i) insult riski 7-8 saat arasında yatanlarla müqayisədə 85% daha yüksəkdir.

Alimlər qeyd ediblər ki, ümumiyyətlə həddindən artıq yuxu damar xəstəliklərinin inkişaf ehtimalının artması ilə əlaqələndirilir. Gecə istirahətinin tövsiyə olunan normasını aşan iştirakçılarda insult riski 23% artıb. Uzunmüddətli gündüz yuxusunun da təhlükə yaratdığı məlun olub, belə ki, bir saat yarımdan çox istirahət damar xəstəlikləri ehtimalını 25% artırıb.